لكن أنا بعلمكم بدون وجع راس يالله نبدأ:
افرضي وحده ضربتك على مصبعك بقوه وش بتقولين : اي اي اي ,,,,, لاتسوين نفسك ذكيه وتقولين اح ,,لأن الضربه قويه لازم اي اي اي ,,,,
=معناها= انا
هل تحبين جبنة بوك= لاحظي بوك بس نوع فاخر +بوك= book = كتاب
هل تحبين الكت كات= لاحظي كات بس نوع بناتي فاخر+كات=cat =قط >>> جعله يمشخكم
هل تحبين شاي= لاحظي شاي = shy = خجول <<<<<< يعني تقدري تقولي : i'm shy <<<<<<<<< انا خجول
وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ككك; farmer <<<< مزارع
من مايعرف الرئيس الأرهابي ( بوش ) بوش -بوش = push = يدفع _يعني = يدف = وتلاحضونها على الأبواب
يعني تقدرين تقولين= ادفع الباب أو دف الباب = push the door = بوش ذا دور
كلمه ثانيه:واحد يقولك: كيل تفاح تصير قوي_ كيل برتقال _كيل موز
لاحظ ( كيل ) كيل -كيل = تعني = يقتل او اقتل = kill مثال = اقتلني = كيل مي = kill meاو= اقتله = كيل هيم= kill him
كلمه ثانيه:
وحده تطق الباب وش تقولين لها : اكيد تقولين ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:
وعلى فكره كلمة = com الي تشفونها في الرابط = تعني = شركه = وهي اختصار كلمة = company
تسمعون البزر يقول الى أمه : ماما يالله قوه البيت = قوه قوه = ياقليب قليبوه
المهم واضح معنها لكم :
go = كوه = قوه
يالله نروح= let us go = ليتس قوه
كف = فيه احد ما جاه كف على وجه ؟ انا بصراحه تصفقت لين دخت
كف= معنها = كحه . كف = cough تقدرين تقولين= i have cough = اي هاف كف = انا عندي كحه او سعال
مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم
محلات تهتم بملابس الأطفال تشفونها دائما بالأسواق ( دعايه مجانيه ) يالله بسيطه ,المهم
مذر كير= عباره عن كلمتين دائما النساء ينطقونها وما يدرون إنهم يتحدثون الأنجليزيه بطلاقه , نقسم الكلمتين
مذر = أم +ماما +أمي= الي تبون تسمونها= مثال / هذه أمي = this is my mother = ذس از ماي مذر
كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو
انا اهتم = i care = اي كير
باوار هورس = مشروب الطاقه المعروف موجود في السوبر ماركت = لو تلاحظون عليه رسمة حصان
هورس = حصان = horse باوار= قوه =power
ركزوا معي في تركيب الجمله = انا عندي حصان = i have horse =
لاحظوا = i have = متكرره , i have = انا عندي
يعني حطيها في بداية الجمله وحطي اي شي عندك = مثال / سياره + كتاب + اي شي = i have a car = انا عندي سياره
الرئيس الأمريكي السابق ( بيل كلينتون )
بيل + bill = فاتورة = يعني وأنتي في المطعم تبين الفاتورة تقولين= عطني الفاتورة = give me the bill = قيف مي ذا بيل
او تقولين = بيل بليز = فاتورة لو سمحت = أهم شي تدبرين عمرك
بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس
هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي
سيف = سيف معروف إذا بغى أخوكـ يرقص في العرضه مع الشيوخ لازم يجيب معه سيف وخليه ينتبه لايخبط اللي جمبه
سيف= save = يحفظ او يحمي او ينقذ = يعني تقدرين تقولين: احمني او أنقذني = save me او أحفظ المعلومات = save it او أحفظ الصوره =save the picture = سيف ذا بيكتشر
فار = مخلوق نذل يصعب مسكه اللي إذا جبتيله له قطو لأن القطو رجال وما يخاف إما نحن البنات الله يخلف علينا والله ننحاش وتوصل أننا ننقل من الحي كله ونترك له البيت
فار= far = معنها = بعيد = تقدرين تقولين = أنت بعيد مره = u are so far = يو أر سو ( فار) = so = تعني جدا ,مثل very
يعني تقدرين تقولين= u are very far =يو أر فيري فار = على كيفكم
ني = اللحم ني او الدجاج مو مستوي ني
ني= knee = معنها = ركبه
بس ماعليكم من حرف الكاف في بداية الكلمه ماينطق =k nee = تنطق = ني
كان = ( كان) ياما( كان) في قديم الزمان تركي وا م كشه , بس ( كان ) فيه أم القنازع وخربت عليهم
كان = CAN = يستطيع او يقدر = انا استطيع = I CAN
ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه
طيب وش رايكم كسبت التحدي ولا لا؟
منقول
الأحد 25 يناير 2009, 6:33 pm
